అక్రమంగా చెట్ల నరికివేత.. కేసు నమోదు
ఫారెస్ట్ సెక్షన్ ఆఫీసర్ సురేందర్, బీట్ ఆఫీసర్ సతీష్ తనిఖీలు
KA
By KARKA RAMESH•September 17, 2026
3

మన ఇందూర్ ఇందల్వాయి:
సాంపల్లి గ్రామ శివారులో అక్రమంగా చెట్లను నరికివేసిన ఘటనను అటవీ అధికారులు గుర్తించారు. ఫారెస్ట్ రేంజ్ ఆఫీసర్ రవి మోహన్ భట్ ఆదేశాల మేరకు ఫారెస్ట్ సెక్షన్ ఆఫీసర్ సురేందర్, బీట్ ఆఫీసర్ సతీష్ తనిఖీలు నిర్వహించారు. ఈ సందర్భంగా సాంపల్లి గ్రామానికి చెందిన మసూరి ప్రశాంత్కు చెందిన పట్టా భూమిలో సుమారు 10 టేకు, 2 నాన్ టేకు చెట్లను నరికివేసినట్లు గుర్తించారు. అనుమతి లేకుండా చెట్లను నరికివేయడం నేరమని అధికారులు తెలిపారు. వాల్టా చట్టం-2002 ప్రకారం కేసు నమోదు చేసినట్లు వెల్లడించారు. అక్రమంగా చెట్లను నరికినా, వాటికి నష్టం కలిగించినా కఠిన చర్యలు తీసుకుంటామని అటవీ అధికారులు హెచ్చరించారు.






