సీఎం విజయ్ మంత్రులకు శాఖల కేటాయింపు: దళపతి వద్దే హోంశాఖ... మిగిలిన మంత్రుల శాఖలు ఇవే

తమిళనాడు ముఖ్యమంత్రిగా విజయ్ ప్రమాణ స్వీకారం చేసిన సంగతి తెలిసిందే. విజయ్‌తోపాటు తొమ్మిది మంది ఎమ్మెల్యేలు మంత్రులుగా కూడా ప్రమాణ స్వీకారం చేసిన సంగతి విదితమే. ఈ తొమ్మిదిమంది మంత్రుల్లో అత్యధిక శాతం మంది తొలిసారి ఎమ్మెల్యేలుగా గెలుపొందిన వారే ఉన్నారు. సీనియర్ పొలిటీషియన్ సెంగొట్టయాన్‌కు మంత్రి పదవి దక్కగా...అతిపిన్న వయస్కురాలు అయిన శివకాశి ఎమ్మెల్యే కీర్తనా సంపత్‌కు కేబినెట్‌లో చోటు దక్కింది. మిగిలిన కేబినెట్ కూర్పు త్వరలోనే జరగనుంది అని తెలుస్తోంది. అయితే మంత్రులకు శాఖలను సైతం సీఎం విజయ్ కేటాయించినట్లు తెలుస్తోంది. అయితే హోంశాఖను విజయ్ తన వద్దనే ఉంచుకున్నట్లు తెలుస్తోంది.

సీఎం విజయ్ వద్దే హోంశాఖ

తమిళనాడు ముఖ్యమంత్రిగా తమిళగ వెట్రి కళగం (టీవీకే) అధినేత, హీరో సి. జోసెఫ్ విజయ్ ఆదివారం ఉదయం 10 గంటలకు ప్రమాణ స్వీకారం చేశారు. చెన్నైలోని జవహర్‌లాల్ నెహ్రూ ఇండోర్ స్టేడియంలో ఈ కార్యక్రమం అభిమానుల కోలాహలం మధ్య రిగింది. సీఎంగా విజయ్‌తోపాటు మరో తొమ్మిది మంది మంత్రులతో గవర్నర్ రాజేంద్ర అర్లేకర్‌ ప్రమాణ స్వీకారం చేయించారు. ఇకపోతే తొమ్మిది మంది మంత్రులకు శాఖలను కేటాయించారు. కొత్త ప్రభుత్వంలో కీలకమైన హోం, పోలీస్, సాధారణ పరిపాలన వంటి కీలక శాఖలను విజయ్ తన వద్దే ఉంచుకున్నారు.

సెంగొట్టయాన్‌కు ఆర్థిక శాఖ

ఇక మంత్రులశాఖల విషయానికి వస్తే సీనియర్ నేత కె.ఎ. సెంగొట్టయ్యన్‌కు ఆర్థిక శాఖ కేటాయించారు.ఎన్. ఆనంద్‌కు గ్రామ పంచాయతీ, నీటిపారుదల శాఖలను కేటాయించారు.అలాగే సి.టి.ఆర్. నిర్మల్ కుమార్‌కు విద్యుత్, న్యాయశాఖ, ఆధవ అర్జునకు క్రీడలు,ఐటీ శాఖ మంత్రిగా కిర్తనకు కేటాయించినట్లు తెలుస్తోంది. 

తమిళనాడులో మంత్రులకు శాఖల కేటాయింపు

హోం, పోలీస్, సాధారణ పరిపాలన శాఖలు-సీఎం విజయ్

ఆర్థిక మంత్రి-సెంగొట్టయన్‌

ఆరోగ్యశాఖ మంత్రి- అరుణ్‌రాజ్‌

క్రీడలు, బిల్డింగ్స్, హైవేస్ అండ్ మైనర్ పోర్ట్స్‌ శాఖల మంత్రి- ఆధవ అర్జున

ఐటీ శాఖ మంత్రి-కీర్తన

విద్యాశాఖ మంత్రి- రాజమోహన్‌

విద్యుత్‌, న్యాయశాఖ మంత్రి- నిర్మల్‌కుమార్

గ్రామపంచాయతీ, నీటిపారుదలశాఖ మంత్రి-ఆనంద్

సివిల్ సప్లైస్‌ మంత్రి- వెంకటరమణన్‌

గనులశాఖ మంత్రి- డీకే ప్రభు